Спеўная спадчына Гомельшчыны

Інтэрактыўны выставачны праект «Спеўная спадчына Гомельшчыны» рэалізаваны ўстановай «Гомельскі абласны цэнтр народнай творчасці» пры падтрымцы гранта Прэзідэнта Рэспублікі Беларусь на 2023 год у сферы культуры.

Праект прадстаўляе сабой рэалізацыю інтэрактыўнай выставы, якая прэзентуе лакальныя фальклорныя песенныя традыцыі рэгіёнаў Гомельскай вобласці. Мэты праекта – адраджэнне ў сучасных умовах народных традыцый, тэхналогій вырабу народнага касцюма і садзейнічанне іх выкарыстанню ў практыцы работы арганізацый культуры, захаванне нематэрыяльных гісторыка-культурных каштоўнасцей. Выстава працягвае і развівае рэалізаваны ўстановай «Гомельскі абласны цэнтр народнай творчасці» выставачны праект па нематэрыяльных гісторыка-культурных каштоўнасцях «Жывая спадчына Гомельшчыны», які ў 2022 годзе стаў пераможцам рэспубліканскага конкурсу культурных праектаў патрыятычнай тэматыкі ў намінацыі «Лепшая выстава народнага дэкаратыўна-прыкладнога мастацтва (народных мастацкіх рамёстваў)».

І.В.Глушэц