Абласны адборачны тур Рэспубліканскага фестывалю народнай творчасці ветэранскіх калектываў «Не старэюць душой ветэраны»

Абласны агляд-конкурс Рэспубліканскага фестывалю народнай творчасці ветэранскіх калектываў «Не старэюць душой ветэраны» праводзіцца з мэтай павышэння мастацкага ўзроўню, выканальніцкага майстэрства і сцэнічнай культуры ветэранскіх аматарскіх калектываў мастацкай творчасці, падтрымкі і актывізацыі творчасці пажылых людзей і арганізацыі іх вольнага часу. Конкурс традыцыйны, праходзіць 1 раз у два гады.

Заяўкі на ўдзел у абласным аглядзе-конкурсе прадстаўляюцца з усіх раёнаў вобласці і г. Гомеля. Гэта хоры, вакальныя ансамблі, у тым ліку калектывы з найменнем «народны», індывідуальныя выканаўцы. Сярод удзельнікаў найстарэйшыя калектывы вобласці — народны хор ветэранаў вайны, працы і Узброеных Сіл ДУ «Гарадскі цэнтр культуры», г. Гомель; народны хор ветэранаў вайны і працы ДУК «Рэчыцкі Гарадскі Палац культуры»; народны хор ветэранаў вайны і працы Культурна-спартыўнага комплексу РУП «Гомельскае аддзяленне Беларускай чыгункі» і інш.

Пераможца абласнога агляду-конкурсу прадстаўляе Гомельскую вобласць на заключных мерапрыемствах Рэспубліканскага фестывалю народнай творчасці ветэранскіх калектываў «Не старэюць душой ветэраны» ў горадзе Мінску.