Установа «Гомельскі абласны цэнтр народнай творчасці»
ЗАПРАШАЕ
26 снежня 2023 года ў 14:30
на творчую лабараторыю «Напярэдадні Каляд»
у межах рэалізацыі інтэрактыўнага выставачнага праекта
«Спеўная спадчына Гомельшчыны», падрыхтаванага пры падтрымцы гранта Прэзідэнта Рэспублікі Беларусь
Удзельнікі творчай лабараторыі пазнаёмяцца з традыцыямі святкавання Каляд на Гомельшчыне. Калядная зорка – абавязковы атрыбут святочнага абыходу – будзе зроблены разам з носьбітам народных традыцый паўднёвага ўсходу Гомельскага раёна Віктарам Шыпковым. З ім жа можна будзе развучыць калядныя псальмы, якімі з даўніх часоў віншуюць калядоўшчыкі гаспадароў хат. З традыцыйным святочным рэпертуарам Гомельскага Палесся і Падняпроўя ўдзельнікаў творчай лабараторыі пазнаёмяць госці з горада Мазыра – узорны ансамбль народнай песні і фальклору «Мазырскія весялушкі» Палаца культуры адкрытага акцыянернага таварыства «Мазырскі нафтаперапрацоўчы завод» і кіраўнікі ўзорных фальклорных калектываў ДУА «Сярэдняя школа № 30 г. Гомеля» разам з узорным фальклорным ансамблем «Святы Пакроў».
Для ўсіх наведвальнікаў творчай лабараторыі будзе праведзена прэзентацыя інтэрактыўнай выставы «Спеўная спадчына Гомельшчыны», падрыхтаванай пры падтрымцы гранта Прэзідэнта Рэспублікі Беларусь, якую можна наведаць да 23 студзеня 2024 года.
Уваход вольны.
Узроставая катэгорыя наведвальнікаў: 6+.
Месца правядзення: выставачная зала ўстановы «Гомельскі абласны цэнтр народнай творчасці», г. Гомель, вул. Ірынінская, 19.