Установа «Гомельскі цэнтр народнай творчасці» запрашае наведаць абласное свята сямейнай творчасці «Жывіце ў радасці», прымеркаванае да Дня сям’і.
Мерапрыемства адбудзецца 27 мая ў г. Рэчыца. У чарговы раз на гэтай гасціннай зямлі адбудзецца свята натхнення, дабрыні, радасці, сумеснай творчасці і бязмежнай бацькоўскай цеплыні, якое збярэ разам артыстаў і майстроў, аматараў, аб’яднаных імкненнем захоўваць і развіваць традыцыі сямейнай мастацкай творчасці.
Гэты форум стане сапраўдным святам для ўсіх яго ўдзельнікаў і гледачоў, прынясе радасць творчых сусрэч і добрых успамінаў.
У рамках мерапрыемства таксама адбудзецца абласны конкурс гульнёвых праграм «Зажигай-ка». У конкурсе прымуць удзел культарганізатары з усіх раёнаў Гомельскай вобласці.
Запрашаем на свята!