2 чэрвеня 2024 года ў г. Браслаў, Віцебскай вобласці адбыўся адкрыты конкурс народнага танца «Паазерскія тапаткі» ў межах Міжнароднага свята традыцыйнай культуры «Браслаўскія зарніцы».
Гомельскую вобласць прадставілі: народны харэаграфічны ансамбль «Кола» дзяржаўнай установы адукацыі «Гомельскі дзяржаўны каледж мастацтваў імя Н.Ф.Сакалоўскага» і народны ансамбль танца «Чабарок» дзяржаўнай установы «Светлагорскі цэнтр культуры».
Дыпломам лаўрэата I ступені ўзнагароджаны народны харэаграфічны ансамбль «Кола» і дыпломам лаўрэата III ступені ўзнагароджаны народны ансамбль танца «Чабарок».
Калектыў Гомельскага абласнога цэнтра народнай творчасці віншуе пераможцаў конкурсу «Паазерскія тапаткі» і жадае творчага натхнення і далейшых перамог.
