Пад такой назвай 9 лютага 2024 года ўстанова «Гомельскі абласны цэнтр народнай творчасці» сумесна з зацікаўленымі правяла семінар-практыкум па фальклоры для работнікаў устаноў культуры Гомельскай вобласці на базе дзяржаўнай установы «Цэнтр культуры Гомельскага раёна».
Удзельнікамі мерапрыемства сталі больш за 40 кіраўнікоў аўтэнтычных і аматарскіх фальклорных калектываў, спецыялістаў устаноў культуры, якія працуюць па накірунку народных традыцый, з 19 раёнаў вобласці.
З прывітальнымі словамі выступілі: намеснік дырэктара Гомельскага абласнога цэнтра народнай творчасці Аксана Уладзіміраўна П’янкова, начальнік аддзела культуры Гомельскага райвыканкама Ірына Леанідаўна Чарнаруцкая і дырэктар Цэнтра культуры Гомельскага раёна Людміла Віктараўна Нікіціна.
Інтэрактыўную выставу «Спеўная спадчына Гомельшчыны», падрыхтаваную Гомельскім абласным цэнтрам народнай творчасці пры падтрымцы гранта Прэзідэнта Рэспублікі Беларусь, прадставіла метадыст па народных традыцыях, абрадах і фальклоры абласнога цэнтра народнай творчасці Ірына Валер’еўна Глушэц, якая таксама растлумачыла ўдзельнікам актуальныя арганізацыйныя і метадычныя аспекты забеспячэння дзейнасці аўтэнтычных і аматарскіх фальклорных калектываў. Людміла Міхайлаўна Лось, загадчык філіяла «Ліплянскі сельскі дом культуры» дзяржаўнай установы «Лельчыцкі раённы цэнтр народнай творчасці і арганізацыі культурнага вольнага часу насельніцтва», падзялілася сваім вопытам падрыхтоўкі ўзорнага фальклорнага калектыву «Карагод» да ўдзелу ў рэгіянальных, рэспубліканскіх і міжнародных конкурсных мерапрыемствах. З дапамогай народнага майстра Беларусі, носьбіта народных традыцый паўднёвага ўсходу Гомельскага раёна Віктара Уладзіміравіча Шыпкова ўдзельнікі мерапрыемства разгледзелі і абмеркавалі, як на папулярызацыю народнай спадчыны ўплывае знешні выгляд завадатараў і ўдзельнікаў традыцыйных народных свят.
У практычнай частцы мерапрыемства ўдзельнікі народнага фальклорна-этнаграфічнага ансамбля «Стаўбунскiя вячоркі» філіяла «Стаўбунскі сельскі дом культуры» ДУК «Веткаўскі цэнтр культуры і народнай творчасці» прадставілі прыклад работы з песенным (каляндарным, пазаабрадавым, духоўным) і танцавальным рэпертуарам свайго рэгіёну. Асаблівасці выканання традыцыйных танцаў разбіралі таксама разам з Віктарам Уладзіміравічам Шыпковым.
Тэкст: І.В.Глушэц.
Фота: В.А.Драздова, Р.У.Ляднёва.
